Alo, panjai seput! Betemu baru kita. Kira ke lama ga dah enda ngeupdate beluk tu tang diatu aku nyeruga enggau siti cherita baru. Ngagai sekeda ke udah ninga tu tau diau jenuh alu ngagai urang ke apin. Bacha meh. Aku enda nemu cherita tu amat tauka enda (pia ko tusui kaban) tang asaiku amat meh cherita tu. Bisi chan amat tu amat. Umbas bejaku, diatu bacha. Ngagai urang ke enda nemu nama reti 'kulau' iyanya 'kedai makai' tauka 'restauran' ko ribai.
Seturi tu berengkah enggu dua iku sekaban ke benung berandau. Asaika aku agi biak seduai kira agi pum kini. Alu bakatu ko cherita ya. Dua iku sekaban benama Igat (ukai nama endar) enggau Dum (mega ukai nama endar) benung berandau siti ari. Sekali munyi Igat. " Akai, tetenguk endar deka ngihup ai milo peng. Tak rangkai ndar batang rekung tu keranka dipanjah milo gaga indu china. Lama amat asai ya, nyu kusangka milo ku tu." Endai, enti pia nuhun ga tua ngagai kulau china atak ba sebehai enti di ka amat." ko Dum nyaut ya ga. "Amat di???" tanya Igat enggau pengaga. "Endai, lapa ku bula deh???" saut Dum ga. " Ma anti gi, aham meh." ko Igat. " Tang ku nadai duit. Duit ku enda umbas." ko sambung Igat ga. "Eh anang nuan irau. Berapa kantau ba kandi tanchut nuan?". Igat alu nyagam kandi tanchut alu mansut ka 2 kepin duit siling 20 sin. " Ka 40sin aja. Ni nya umbas kena tua. Kada chukup ka tinga??" "Anang irau nuan kaban aku bisi mai kantau laluh." saut Dum nggau kumpidin.
Nyadi, seduai iya pan alu ngejung ke diri ke kulau china nya. Dia deh datai indu china ka ngambi uda seduaiya. "Makang apa?" ko inya. " Ohh, tidak, kami minum saja." ko Dum ga. "Minung apa le?" Berapa rega milo sejuk satu.?" " RM1.50" saut china nya ga. " RM1.50 champur RM1.50 = RM3." ko Dum berunding dalam ati. "Apu enda umbas duit tu lagi deh! Ka RM2.00 ba aku ditu, tambah enggi Igat 40sin= Ka RM2.40 ja. Apu bakani tu? Kenduai udah ga ditu." Alu Dum pan bulih akal, "Berapa rega milo panas?" " Selinggit dua puluh seng" ko china nya ga. " Itu lah, saya mau milo panas dua" ko Dum. Indu nya pan alu lari. Udah indu nya lari (go) ngaga ai nya, dia deh Dum madah ngagai Igat. "Nama ai nya datai lagi, alu jampat jampat tua ngirup nya." Igat ng'au' ka aja laban kena chia. Datai uda tadi dia deh Dum alu terus ngelanggak gelas milo angat tadi." Seduai Igat enggau indu china nya tadi nyu melut mata meda ulah Dum nya." "Akai, angat angat!!!!!" rauh Dum. " Ui nama gaga di!!!!?? Agi angat nya!Lukus di lagi" ko Igat melut.. "Endai, irup jampatka nya!!!" Nama deh???" tanya Igat. Dum nyu maja nuntum nya. Nyu ka teluput lalat ya ngabiska ai nya. Udah nya baru iya madah. "Lagi enti iya chelap lagi, mar ai milo tu." ko saut Dum. Dia deh Igat tadi nyu engkayat meda pemeli Dum tadi muti ke enda ensembul leka mata. " Naka pemalui utai meh di tu deh, semadi meh di tu kaban aku enti enda udah tunggingka ku di dalam pemeli di nya!" Udah nya, enda berasai Dum nyu terengkah ba sepital malam nya.....
P/S: Nya meh kitai sebedau tka nyia urang peda diri empu dulu. Haha... Mupuk dulu...
No comments:
Post a Comment