Cherita indai Dum nyabak bebuah

Tu siti cherita keluji ti amat popular didinga ku . Asaiku mayuh urang nemu cherita tu. Cherita ti bejaku pasal siku indai urang ti dikumbai indai Dum (ukai nama endar). Ko urang cherita tu amat cherita bendar alu ukai ditengkebang ngapa tajapan mayuh bersi cherita tu udah didingaku. Bakatu cherita iya.

Indai Dum nyu belanda-landa ngagai rumah panjai

Bisi siti ari, ba siti rumah panjai ba siti sitak ba menua Sarawak tu, bisi siku indai urang benung nurun ke pendai ka masu gari ko jaku. Datai iya ba pendai tadi iya alu setat merus gari iya tadi.Benung ke lale masu gari tadi dinga ari rumah panjai tadi siku ga indai urang datai, Indai Wat (ukai nama endar) belanda ari rumah panjai nya ngagai iya kia ke. Datai iya ba pendai nya dia iya alu madahka bisi urang parai ba rumah panjai sida. Udah iya ke ninga nya tadi dia deh seduai tadi alu belanda pulai ke rumah panjai tadi.

Pendai

Datai din indai Dum bekain mandi tu tadi (enggai nda nggau urang ngeruhka ai) alu terus duduk nunga bangkai nya tadi alu terus nyabak bebuah ke urang parai nya." Bakanya mega enggau Indai Wat tu tadi. "Lapa meh nuan tu parai deh? Kasih meh nuan tu deh.. Disangka idup tak mati" pia ko indai Dum. Laban nyu kelalu balat nyabak enda mukai mukai tak disilak iya kain mandi iya tadi kena mampul mua. Nya meh indai Wat ke ba sepiak iya tadi meda "utai nya" bangat tak bakanya tadi alu rerauh madah ke Indai Dum 'utai' iya ayan.Ko iya " Utai di wai,Utai di wai. Utai di ayan wai" seraya ke nyabak....

P/S: Nda nyalahka Indai Dum laban nama udah nyabak ukai nemu diri agi ne? Barang utai meh kena mampul mua tajapan nya kain mandi kena mampul utai siti.

Randau Telipun

Tu siti gi utai ti bendar ngeluji ati aku. Lebuh betelipun.Nama kebuah? Peda kediri. Ba baruh tu sekeda ari randau telipun....

A : Hello B, nama gaga nuan?
B : Bah, berandau nggau nuan ah. Nama gi gaga ku deh?

Siti gi

A : B, dini di diatu?
B : Ba ditu ah. Nda patut ba pendam.

Tu agi

A : Hello, ulih ku bejaku enggau C?
B : Bah, bejaku meh dia enggau iya.

Nya meh sekeda randau telipun ti ngeluji ati.Ila enti bisi aku nambah baru au....

Cherita DJ nggau Siku Peninga

Aku bisi siti cherita ngeluji ati. Tu nang cherita amat (Pia ko urang madah ngagai aku). Bakatu cherita ya. DJ tu tadi benung nyaut kanggau bala peninga. Lanchar aja datai ke siku peninga tu....

Benung betalipaun

DJ :Hello, Selamat Tengahari.Peninga nya:Hello, Selamat tengahari. Ulih ku bepesan?
DJ :Anang guai dulu. Sapa tu?
Peninga nya:Ari Sibu ku.
DJ :Au. Sapa nama nuan?
Peninga nya:Jai nama ku.
DJ :Au. Nemu ku. Padah aja sapa nama nuan?
Peninga nya:Ba, Jai nama aku.
DJ :Jai manah pan sebut meh. Anang nggi sekeda bisi nama baka sudu, chapan.
Peninga nya:Apu, berapa kali ku ka madah. Jai, Jai nama aku.
DJ :Rugi apai indai ngaga nama nuan. Sepenyai ni pan nama nuan padah ke aja.

Live ba radio

Peninga nya:Apu, Nama aku Jai. J..A..I...Jai.
DJ :O... Pia. Jai nama nuan pia?
Peninga nya:Au ah....

*Dialuk ya kurang lebih baka nya.

Keni ka nyetatka injin seperis?

Elo... Maitamua? (Alu meh sekeda bengap-bengap nda nemu nama utai ko itu)Ko aku tadi. Nama berita semua? Aku ngena akerunim. Enti kita nanya aku, aku manah aja. Tang enti kita nanya ke rita bala jani enggau manuk asaika aku udah tekelaun laban sida sebuat udah nyadi pemakai magang.(Agi bebengap??) Bah nda nemu kita pia tu minggu kitai ngintu ari Krismas? Mestilah babi siku manuk selunsin, baru bisi kelas ne... (Baru sekeda ooooo... pia) Anang guai, nama ka gaga ku diatu? A.. Aku mehi kita siti entelah pandak.

Enti gajah nyadi mayau, mensia nyadi nama?

Sapa nemu jupan ya? Sapa ulih nyaut aku mehi ai paip'si siti. Pei, enti bakatu sampai engkabang bebuah pan nda meh tetemuka. Ok nda ngawa aku mehi jupan terus.

Enti gajah nyadi mayau mensia tentu meh nyadi iran...
(Ni kala gajah nyadi mayau???)

Ok.... MASIH. Betemu bahu ila.... Dah ka bekejjang seperis tu, nda alah tinduk ba kaki lima tegal tingal seperis....